ಸಂಜೆಯಾಗುತಿದೆ ಹೊರಡು ಬೇಗನೆ
ಸಾಗಬೇಕು ದೂರ
ತವರು ಬೆಚ್ಚಗಿದೆ ಎಂದು ಕೂರದಿರು
ಸೇರಬೇಕು ಊರ
ಉಟ್ಟ ಸೀರೆಯಿದು ಒಪ್ಪುವಂತಿದೆ
ತೊಟ್ಟ ಬಳೆಯೆ ಸಾಕು
ಹೊತ್ತು ಮುಳುಗುತಿದೆ ಕತ್ತಲಾಗುತಿದೆ
ಬೆಟ್ಟ ಇಳಿಯಬೇಕು
ಬಿಸಿ ರವೆಯುಂಡೆ ಸಿಹಿ ಒಬ್ಬಟ್ಟು
ತುಪ್ಪ ಕರ್ಜಿಕಾಯಿ
ಹದವ ಮಾಡಿ ಕಟ್ಟಿಹಳು ಬುತ್ತಿ
ಪ್ರೀತಿ ಬೆರೆಸಿ ತಾಯಿ
ಹುಟ್ಟಿದಮನೆ ಅಲ್ಲ ಶಾಶ್ವತ
ಪತಿಯೆ ಸತಿಗೆ ಸೂರು
ಕೈಯ ಹಿಡಿದವನ ಬಾಳ ಜಾತ್ರೆಯಲಿ
ಮಡದಿ ತಾನೆ ತೇರು
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ